قديمة ..ومن فترة انا قريحتي صايرة بخيــــــلة ...

بس حبيت انشرها هينا كمانا ضمانا لها من الضياع والاندثار مع اهمالي الشديد لكتاباتي ...

~*~
جاني حبيبي يقول إنه يحبني قلت رح ترا ما تعرف الحب أشكالك ..


ترا الحب ما هو كلمة لسان ..وما هو بس عمري وحياتي وروحي ان كان هذا اللي على بالك ..


الحب حس ومشاعر صادقة ..الحب روح ٍ هايمه في حبيبك ودوم تتخيله بقبالك ..


الحب لما ينطق حبيبك تحس إنك في نعيم ٍ سرمدي ٍ غيره ما يحلى لك ..


لكن انت حطيت للحب تعريف لا شفته في قاموس ولا شفته في مصدر ..وجزمت إنه من خيالك ..


الحب عندك صد وجفا وهم وعنا ..وانك تشرّب محبك من كاس غربالك ..


الحب عندك شك وظنون وطغيان وسيطرة ..كنك تبي محبك يسجد لتمثالك ..


لكن تدري بصراحة ؟! كل ذا يهون ..وكل ذا طبيعي يحصل من أمثالك ..


ما لا يهون ..لما تعتبر حبك يبرر لك تخون ..وتطعن وتجرح وما تحسب حساب ٍ لعذالك ..


ترا الحب عمره لا عرفك ولا عرفته ..حشى وربي ..ترا الحب بري منك ومن أفعالك ..


وآخر حكي ودي أقوله ..رح في طريقك ..ولا عاد تلفي واسحب معك أذيالك ..


روح دام النفس طيبة ودام القلب متسامح ...قسم بالله أشوى لك ..


لأني من بعد هاليوم لاعرفك ..ولو عدت لي ثاني لذوقك غربال مثل ما ذقت غربالك ..


والنهاية قبل لاختم كلامي أعتذر عن غلطتي في قولتي " جاني حبيبي " لن الحبايب ماهم أشكالك ..

~*~