بما اني من فترة طووويلة ما نشرت شي بسبب الاختبارات ...
حبيت انشر هذي مع انها قديمة جدا ...
وحبيت اشكر اللي سال عني ...




احتمالات من الحبيبة ترسلها لمعشوقها لو فارقته ....

~*~

احتمال إني نسيتك ؟!
لا ..أبد ...
احتمال إني عشقتك ؟!
للأبد ....

احتمال أحيا بدونك واحتمال اني بحبك اموت ..
احتمال انك حقيقة واحتمال تكون طيفٍ يفوت ...

احتمال اني اشوفك في الحلم واحتمال انك تغيب ..
احتمال احلم بشوفك في النعيم واحتمال تكون كابوس ٍ رهيب ..

احتمال ان المفارق يطول واحتمال انه قصير ..
احتمال ان البعاد صعبٍ واحتمال انه يسير ..

احتمال انك تحبني واحتمال انك ما دريت ان لي وجود ..
احتمال انك زرعت الشوك في دربي واحتمال رشيته ورود..
احتمال اني لا شفتك حقرتك واحتمال اني ابوسك ع الخدود ..

كل هذا بالنسبة لك احتمال واحتمال واحتمال ...
لاكن انا لا احتمال ولا يمكن ولا حتى يجوز ...

انا ما لي غير كلمة وحيدة اللي هي " اكيييد "

~*~

حبيبي وش بلاك ووش بلاني ؟!
حبيبي وش بلاك ووش بلاني ؟!
إن كنت أنا الغلطانة فلك مني الأسف ...
ولك مني دموع الندم بس تصفح عشاني ...
وإن كنت انت الغلطان ..
فلا تعتذر مني ولا تقعد ترجاني

~*~

حبيبي وش بلاك ووش بلاني ؟!
حبيبي وين حبك ؟! وين عشقك ؟!
وين ذاك الشغف اللي ما يفنى على مر الزمانِ ؟!
نسيت الحب ؟! نسيت لما حضنت ايدي بكل رقة ؟!
وقلت : حبي لك مرة كبير .. ما هو زي حب انسان لانسان ِ ...

~*~

حبيبي وش بلاك ووش بلاني ؟!
وش بلا قيس ٍ نسى ليلى ؟!
ووش بلاك اليوم بكل قسوة تناساني ؟!
محيرني !! تدري وش محيرني ؟!
محيرني برودك وكيف تقدر تجافاني ...!

~*~

حبيبي وش بلاك ووش بلاني ؟!
عسى نرجع مثل أول يا روحي
وعساك اليوم تنسى كل ألم وأغلاط وأضغان ِ
أنا جيتك ..!! أبغسل غلطتي بدموع قلبي ..
واباتأسف فلا تبخل بغفران ِ..

~*~

ولكن ..
ولكني ما أبغى ترجعني لهاللحظة ..
وما أبغاك تجبرني بعد كم يوم أجي عندك بأشجان ِ

وأقول :
حبيبي وش بلاك ووش بلاني ؟!

~*~

يرحم الله حلم ٍ حلمته تالي الليل ...
يرحم الله قلب ٍ ذبحته دوسة الخيل ..

يا خالق ٍ ذيك العيون الواسعة ..
عطها الصبر ع الفاجعة ..

دمع وعنا وحفنة دما ..
خوف وألم ولا من حما ..

موتي جروحي ..هذا مصيرك ..
ولا ترتجي احد ٍ يجيرك ..

موتي ولاكن لا تموتي ..
إلا تحت رمش ٍ ذبحك ...وفوق رمش ٍ رحمك ..

هذا القدر .. طال الدهر ..والا قصر ..قبرك عيون البدر ..

السلام عليكم ورحمة الله وبركاته
----
مدري انت انسان والا صخر
تبيني اصدق انك من البشر؟
من بعد ما نسيتني وتناسيتني ؟
من بعد ما ناديتك وهديتني ...؟
ما كنت ادري اني رخيصة واهون عليك
وبهالقسوة تفرط بي من بين ايديك
حطمتني يقاسي وتركت بي القلب مغبون
يبكي وينوح يبغاهم يسمعون او يحسون
لاكن كفاية ما عاد اخلي هالشي يصير
حتى لو تركتك وخاطري بعدك كسير
----
من أولى محاولاتي النبطية ...

عشقك سهم ...
وحبك وهم ...
لا يا حبيبي ...
لا لا تصدق وش اقول ..


ما هو سهم ...
عشقك دوا يشفي الجراح ...


ما هو وهم ...
حبك حقيقة وأصدق حقيقة ..
واغلى الحقايق كلها ...واغلى الجراح


مدري الجراح إنت ؟ او إنت الدوا لهاذي الجراح ؟
لا يا حبيبي ..
لا لا تصدق وش أقول ..
إنتا دواي وبلسمي ...وانت الشهد ...واحلى شهد ..
واحلى شهد ممكن اذوقه واعشقه واحضنه وابكي فراقه والبعاد ...
وابكي حياتي ودنيتي لاغاب ضيه وابكي السواد ..
ابكي عيوني الساهرة وابكي سهرها في النواح وعيش السهاد ...


إنت جلادي و إنت اللي ذبحتني ...
لا يا حبيبي ...
تكفى طلبتك ...
لا لا تصدق وش اقول ...
انت الملاك الطاهر الحاني علي احنى من الام الرؤوم ..
انت المداري ضيعتي وانت المشافي علتي وانت الرحوم ..
انت المحامي وانت السند وانتا ملاذي والدفا وانت الغيوم ..
انت الغيوم وكبش الفدا ودرع الوقا لا أشرقت شمس الهموم ..


وربي أحبك ..وتدري أحبك ..
تدري ابي اكسب رضاك ...


تدري احبك ...وتدري ابيك ..
تدري انا لك ..


تدري بكلي تنهبه كلمة وحيدة من شفاك ..
تكرم علي لا تبخل وطف قلب ٍ متيم ذايب من لظاك ...